 |
| عدد 3 كيلو زيتون اخضر عزيزى .. نشققه وننقعه فى ميه لمده يوم ونص علشان المراره تروح منه ونغير له الميه كل 6 ساعات تقريبااْ |
 |
| كيلو ونص ليمون اخضر .. وانا سلقته نصف سلقه يادوب يغلى غلوتين . |
 |
| فلفل احمر شطه ... + رأس توم كبيره |
 |
| كيلو ونص ليمون وانا قشرته وقطعته حلقات وطلعت منه البزر علشان المراره . و ضربته بكوب ميه فى الخلاط وضربته كويس . |
 |
| ربطه كبيره كرفش ربطه كبيره كسبره خضرا .... مغسولين ومتصفيين |
 |
| انا شيلت البزر بقدر الامكان بحرص من الفلفل وبعدين ضربته مع التوم بشويه ليمون فى الخلاط . |
 | |
| واااااضح انه يجنن |
 |
وده الملح .. انا اخدت كيس واحد بس .. واخدت معاه نص كوب ملح ليمون |
 |
ضيفت الليمون المعصور مع الفلفل والتوم المهروس وقلبت فيهم الملح وملح الليمون .. و قطعت الخضره معاهم وقلب يا معلم ..ههههههههههههه |
 |
كان عندى خيار كتير قلت اعمل برطمان فى السريع ههههههههههههههه .. |
 |
 |
كان حلو بس كان ملحه زياده شويه علشان ميه المخلل كانت طبعااْ مالحه للزيتون و الليمون .. منتبهتش اخففها ولما استوى نقعته فى ميه نضيفه علشان يخف من الملح شويه |
 |
رصيت الزيتون فى البرطمان وعليه شويه ليمون و عليه شويه قرون فلفل اخضر شطه وبعدين ارجع احط زيتون وليمون وفلفل لاخر البرطمان .. |
 |
وبعدين صبيت عليه الخليط بتاع الليمون والفلفل والخضره بس سيبت فراغ شويه من فوق علشان لما يفور ... بس الحمد لله مش فار خالص ... |
 |
وبعدين صبيت فوق الوش زيت كتير علشان امنع عنه الهواا وبعدين قفلته بالغطا كويس جدااْ .. و على الدرفه يا معلم .. يدخل لمده 25 يوم وبعدين نطلعه نشوفه استوى ولا لسه .. لو استوى خلاص لكن لو لسه زودى زيت واقفلى عليه كمان 5 ايام .. |
 |
ودى كانت النتيجه بعد شهر ... من التخليل .. |
تسلم ايدك يادودو انا شميت ريحه المخلل وانا بنزل موضوعك
ردحذف:* :*
حذفميرسى أأووووووووى يا نوووور
ردحذفبس انا بتعلم منك يا جميل :)