 |
| المش البيتى سهل جدا جدا وروعه بجد وانضف طبعا ويعتبر من غير مقادير كله حسب رغبتك وده هيخليكى تعمليه وانتى ضامنه انه هينجح معاكى المقادير دى لبرطمان زى برطمان المربى الكبير البرطمان حوالى كيلو او 800 جرام هتحتاجى هتحطى فى ربع البرطمان او قل شويه صغيره لبن مغلى من قبل طبعا وهتحطى فلفل كتير انا بحط حوالى اربع او خمس قرون فلفل حامى ومعلقه ص بابريكا اوشطه حسب الرغبه ملح حسب الرغبه وحسب الجبنه اللى هتستخدميها ( انا بحط حوالى معلقه ص مش مليانه ) فلفل اسود وممكن تستغنى عنه وتكتفى بالشطه او البابريكا وتكملى باقى البرطمان جبنه اى نوع جبنه وممكن كمان بواقى الجبنه اللى بتفضل عندك وقلبيهم شويه مع بعض وحطى شويه زيت على وش البرطمان وغطيه كويس جدا وسيبيه حوالى اسبوع كده بره التلاجه او اول ماتحسى انه خمر كده وطعمه اتظبط وتقدرى تدوقيه وتشوفيى اذا كنتى عايزه تزودى ملح او شطه او اى اضافات تحبيها ولو زاد منك شويه الملح او الشطه تقدرى تزوديه جبن ولبن بس اللبن مش كتير عشان مايبقاش المش سايب وابقى قلبيه كده كلى يوم واول ماتحسى انه اتظبط حطيه بالتلاجه وعلى فكره ممكن كمان يقعد اقل من اسبوع وبألف هنا وشفا |
الأحد، 26 مايو 2013
الاشتراك في:
تعليقات الرسالة (Atom)
ليست هناك تعليقات:
إرسال تعليق