 |
| تورته العروسه بالأيس كريم (ببواقى الكيك ) التورته دى انا عاملاها ببيوقى كيك كان عندى بالفريزر يعنى مثلا ساعات لما أعمل تورته أقطع الجوانب ومش برميها بشيلها بكيس مقفول كويس واشيلها بالفريزر وساعات كمان كنت أعمل كيك وأحطه بالقالب عشان أخبزه فكان يفضل مثلا 3 أربع معالق من الكيك فبخبزهم بفالب صغير ولما تطلع بشيلها بالفريزر ماعندناش حاجه تترمى بالزباله :)) ودى عباره عن 3 ديسكات من الكيك والباقى فتافيت بقى وجوانب من الكيك الطريقه هتجيبى اى قالب أو طبق يكون غويط وبيضاوى زى بتاع العجانه كده نفس الشكل اللى عليه التورته وتقفليه من جوه بورق نايلون او فويل وتسقى ديسك من الكيك بسيرب او عصير وتحطيه بالطبق هياخد شكل القعر بتاع الطبق وبعدين تحطيى طبقه من الأيس كريم ثم الديسك التانى من الكيك ثم الأيس كريم وهكذا لحد ماتخلص الديسكات ويعدين رصى بواقى الكيك وأسقيها بالعصير وبعدين طبقه من الأيس كريم وأخر طبق هتبقى الكيك وحاولى تخلى أخر طبقه مسطحه ومظبوطه عشان لما تقلبيها ماتبقاش العروسه مايله غطى الوش وحطيها بالفريزر يوم كامل وبعدين طلعيها وأقلبى الطبق وشيلى من عليها ورق الفويل وزينها بالكريمه زى الصوره وأفتحى فتحه صغيره بنص التورته وحطى جواها العروسه وغلفى رجل العروسه قبل ماتحطيها بورق نايلون وفستان العروسه معمول من عجينه السكر واللون الأصفر اللى فى فستان العروسه ده عباره عن جوز هند مبشور بحطه بكيس وأحط عليه نقطه من الوان الطعام وارج الكيس كويس لحد ماياخد كله لون واحد وليها كذا طريقه وسهله خالص على فكره هى الفكره كلها فى التزيين بس وحتى كمان تزينها بسيط وممكن تعملى كيكه أسفنجيه مخصوص ليها بدل بواقى الكيك ممكن تعمليها بقالب بنفس الشكل وممكن تعملى كيكتين وترصيهم فوق بعض جوه القالب وممكن تعملى كيكه مدوره وفوقيها كيكه تانيه مخبوزه جوه قالب البريوش وليها طرق كتيير ممكن تتعمل بيها ويارب تكونو فهمتو حاجه منى :)) المره الجايه أصورها بالخطوات أسهل |
الخميس، 30 مايو 2013
تورته العروسه بالأيس كريم (ببواقى الكيك )سهله جدااااا من مطبخ نور
الاشتراك في:
تعليقات الرسالة (Atom)
ليست هناك تعليقات:
إرسال تعليق