طاجن ورق عنب باللحمه

طاجن ورق عنب باللحمه

4 كيس ورق عنب جاهز ( كيلو)
3 طماطم مبشورين
واحده كبيره فلفل رومى مقطعه
قطع أستيك او ريش متبله قبلها ببصل وفلفل أسود وصويا صوص وخل عنب او خل عادى
2 بصله كبار
ربع معلقه توم مفروم
نص ربطه من شبت وبقدونس وكزبره
معلقه كبيره نعناع
2كوب أرز مغسول ومتصفى
معلقه صلصله
معلقه كبيره خل
ربع معقله كارى
2 مكعب مرقه
3 حبات حبهان
3 ورقات لورا
ملح وفلفل
زيت كتير حوالى نص كوب


هتبشرى البصل وتضيفى ليه الطماطم المبشوره والفلفل الرومى والخضره المقطعه والتوم وفلفل أسود وملح بس مش كتير عشان مكعبات المرقه والزيت والصلصه
والرز

هتحطى ورق العنب الجاهز فى ميه دافيه مش سخنه
وتفككيه من بعضه وتحطيه على مصفى او افردى فوطه على صنيه وحطى عليها ورق العنب
ولو حطيطه فى فوطه حطى فوقيه فوطه تانيه

وابتدى أحشى ورق العنب ولفيه بحيث يبقى ماسك نفسه وحجمه صغير

حطى عروق الخضره فى الطاجن او الصنيه اللى هتعملى فيها
وحمرى قطع الستيك او الريش فى قطعه زبده على النحيتين
وطلعيها وحطيها فوق عروق الخضره
وابتدى رصى ورق العنب فوقيها

أغلى شوربه على النار وضيفى ليها 2 مكعب مرقه لحم
و2 ورقه لورى و3 حبات حبهان وعصير 2 ليمون
وضيفيها لورق العنب بحيث توصل لبعد النص بشويه
حطى طبق او اى تقل على ورق العنب وغطيه ودخليه فرن سخن على 180درجه فى الفرن من تحت خالص
لحد مايشرب شوربته وطبعا ماتسيبهوش للأخر عشان مايتحرقش

وبالهنا والشفا

نور